Tulisan tulisan lama tuh jangan dibuang. Karna yang namanya merangkai kata tuh ada jerih payah tersendirinya. wkwk. Apalagi bahasa jawa. Bagi yang ingin mengucapkan selamat datang untuk para hadirin. ini contohnya. 

Atur Pambagyaharja

Assallamu’alaikum Wr.Wb.

Dhumateng panjenengan para sesepu lan pinesepuh ingkang satuhu kinabekten. Para alim ulama lan para pengemban pengebaning praja ingkang dalah kinurmatan. Para tamu kakung sumawana putri ingkang tansah kula hormati. Saha para kadang wreda mudha ingkang tansah karahayon.

Wonten ing pepanggihan menika, sumangga kita sedaya tansah dherekaken puja –puji syukur wonten ngarsanipun Gusti Ingkang Maha Agung ingkang tansah paring kanikmatan saha karahmatan dhumateng kita sedaya saingga saget kempal wonten ing adicara menika kanthi raharja niring sambikala.

Bapak saha Ibu ingkang dalah kinurmatan. Kaparenga kula matur, bilih wonten ing kalodhangan menika, kla badhe mestuti dhawuh kersanipun Bapak Gideon Tengker pinangka talanging basa sulih salira.

Para kakung sumawana putri ingkang tansah kula hormati. Wonten ing pepanggihan menika, kula pinangka sulih salianipun Bapak Jalaludin ngaturaken sugeng rawuh dhumateng panjenengan sedaya. Mugi para rawuh kersa lenggah kanthi mardikaning penggalih. Saklajengipu Bapak Gideon Tengker lumantar kula ugi ngaturaken agunging panuwun kagem sedaya amargi sampun kersa nglonggaraken wekdal kagem adicara punika.

Para sedherek ingkang kinurmatan. Kedah kita mangertos bilih ing kalodhangan menika Bapak Gideon Tengker badhe malakramakaken putrinipun ingkang sesilih Nak Ayu Nagita Slavina, kadhaup kaliyan nak bagus  Rafii Ahmad  ingkang ijab kabulipun sampun dipunlampahaken ing wanci 8 enjing.

Awit saking menika, Bapak Gideon Tengker lumantar  kula, nyuwun donga pengestu panjenengan sedaya supados anggenipun bebrayan para pinanganten saget dados kaluarga ingkang sakinah, mawadah, warahmah, lan migunani kangge agama, tiyang sepuh ugi negara.

Para kakung sumawana putri ingkang kinurmatan. Wonten ing kalodhangan menika, Bapak Gideon Tengker nyuwun panjenengan supados kersa ngrantos pawiwahan menika wiwit purwa dumugi wasana. Bapak Gideon Tengker ugi nyumanggakaken para rawuh sedaya supados kersa ngedapi pasugatan ingkang cumawis sakwontenipun.

Bapak Ibu ingkang kinrmatan. Cekap semanten anggenipun kula matur. Bapak Gideon Tengker kaliyan kaluarga lumantar kula nyuwun pangapunten dhumateng para rawuh  menawi anggenipun nyumanggakaken para rawuh tasih kathah kekirangan. Ugi kula pinangka sulih saliranipun Bapak Jalaludin ugi nyuwun panapunten mbok bilih wonten kathah kalepatan anggenipun matur ingkang dipun sengaja utawi mboten sengaja. Mugoa para lenggah sedaya saget paring angunging pangapunten.

Wassallamu’alaikum Wr.Wb.

Eka Putriyana Widyastuti/08/XII MIA 1