Contoh Teks Berita dalam Bahasa Jawa

Edu Fair SMA N 1 Wates, Paring kathah manfaat kagem para siswa kelas 12 SMA N 1 Wates

Jum’at, 29 Januari 2015, SMA N 1 Wates karawuhan alumni lulusan tahun 2014/2015. Para alumni sakmenika dhateng wonten ing SMA N 1 wates menika mboten badhe ngurusi berkas-berkas ingkang dereng kaurus kados biasanipun. Ananging para alumni menika sami sareng-sareng paring informasi bab perguruan Tinggi. Informasi menika dipunandharaken ing seminar ingkang dipunwastani Edu Fair SMA N 1 Wates. Wonten ing seminar menika, para alumni ngandharaken maneka warna informasi bab perguruan tinggi saking cara perndaftaran, prodi, akreditasi ngantos biayanipun. Para alumni ingkang ngentu menika dhateng saking maneka warna Perguruan tinggi Negeri utawa Swasta. Dados, wonten ing seminar menika para siswa kelas 12 SMA N 1 wates ingkang tumut wonten seminar edu fair menika saget anggadhahi informasi-informasi saking maneka warna perguruan tinggi ingkang dipunandharaken para alumni.

“Kula remen sanget awit kawontenan adicara Edu Fair SMA N 1 Wates menika. Amargi kula dados saget tuker pengalaman bab perguruan tinggi kalian para alumni. Saingga kula saget gadhah informasi-informasi ingkang penting bab perguruan tinggi.” ngendikanipun Salmaa, salah satunggalipun  siswa kelas 12 SMA N 1 Wates ingkang tumut ing seminar Edu Fair SMA N 1 Wates menika.  

            Mboten namung adicara seminar Edu Fair SMA N 1 Wates kemawon ingkang dipunselenggarakaken para alumni SMA N 1 Wates. Ananging para alumni menika ugi mbikak stan-stan alit ing ruang-ruang kelas SMA N 1 Wates ingkang saben stan menika nyediani maneka warna brosur-brosur ingkang wosipun ngemot informasi bab perguruan tinggi. Saben stan menika kaisi setunggal perguruan tinggi. Ing dinten menika kirang langkung wonten sedasa luweh stan ingkang dipun damel para alumni. Inggih menika stan UNY, UNS, UGM, Poltekes, STAN, STIS, UII, UAD, UPN, Undip, UIN,UMY lan sakpanunggalanipun.

            Para siswa ingkang badhe mangertos informasi-informasi menika, saget dhateng ing stan-stan perguruan tinggi menika miturut karemenanipun para siswa. Lajeng, para siswa menika, saget mendhet brosur-brosur ingkang sampun wonten in stan-stan menika. Para siswa ugi saget tanglet informasi kaliyan para alumni ingkang njagi stan menika.

            Adicara Edu Fair menika pancen nggadhahi manfaat langkung sae kagem para siswa kelas 12 SMA 1 Wates. Awit saking menika para siswa saget gadhah gambaran-gambaran bab perguruan tinggi ingkang badhe dipuntuju sak sampune lulus saking SMA N 1 Wates. Kabukti saking antusiasipun para siswa saking adicara Edu Fair menika.

Eka Putriyana Widyastuti/08/XII MIA 1